الجمعة، 2 يوليو 2010

سلاااااااااااااااام اخباركم يا حلوييييييييين

هااااا كيف النفسيااات للي ما خلصو اختبارات icdl امثالي طبعااااا في جامعتنا الحبيبيه .....
طبعا انا عندي اختبار الاحد وعععععععع مالي خلق اداوم ولا حتى اختبر بس لما اتذكر صديقاتي الدافورات واللي خلصوكل اختباراتهم يجييني حماس رهيب سبحان الله اني اخلص زيهم يقالي بصير زيهم وأصير ام الدفره وانا من جنبهاااااااااااا ....
وطبعا انا مستعده من الثلثاء لاستقبال يوم الاحد الغثيث وحاطه تنورتي السودا بالغساله والله مشوااااااااااااار اطلع فوق السطح
عشان تنورا سودا والله حاله ليه ما تنزل الغساله مو اسهل بس انا ادري غسالتنا فيها عرق نذاله مادري طالعه على مين الله يستر شكلها ما يطمن ابد على طاري الغساله مره ابوي هزأني تهزيئه محترمه استاهل عليها شهاده الصراحه بس وش نسوي بالمزيون الله يهديه بس
بعد التهزيئه زعلت وماكلمته عاد هو مو عض اصابعه الى اكلها من الندم
انا زهره البيت ازعل لالالالا مايصير لازم يراضيني عاد رضوتي ماهي سهله خليته ينط خمس مراات ويقول انا اسف ويدوور على الحووش عشر مرااات ويطلق امي<<تهورت كيفي انا حره مالي شغل ينفذ شروطي ولا ماراح ارضى وبعد خليته يودينا مزرعه جدي
بالقصيم
طبعا سالفه المزرعه سالفه ((اختصاار السالفه))
من بعد وعود كااذبه وتسحيباات اليييييييمه من الموقر المزيوون ابوي دامت لاكثر من سنتين وطت اقدامنا ارض القصيم (( والمزرعه بالاخص)) بخير وسلامه كلوووووووووووش
((خلاصة الاختصاار))
دخلنا القصيم ومااشوف الى كل وحده ملزقه خشتها في الدريشه <<انتي اولهم نزلنا من سيارتنا الجميله الحلوه المزيونه الخقوقيه الجو كان حلووو بس في الظهر اعووذ بالله حرررررررر شكيت ان حنا بالصيف مو بالشتاء وقتهاااا انطقينا بالخيمه لين ماتزعل الشمس والحمد الله راحت الشمس وبرد الجوو ويالبييييييييييييييييه على البرووده شي الصراحه بعد مانام المزيوون وزوجته وعياله<<مايقربون لها الاخت
جلست ابوس راس الغبي اخوي بسام بس هو لا حيااه لمن تنادي طبعا هو بييروح ياخذ جوله بالقصيم وكنت بروح معه قلت له اروح معااك مارضي وانا اقوله عباتي جاهزه..عباتي جاهزه..عباتي جاهز بس للاسف ماعطاني وجه انقهرررررررررررررررت ليه كذاا لو انا ولد وهو بنت كان اخذته معاي بس كذا العيااال نذلااان قليلين ادب مايحترمون خواتهم الاشررار وعشاان مااحس بنقص في نفسي وارد كرامتي الى مسحها بتطنيشه لي رحت لاخوي الثاني خالد وعطيته غترته وشماغه عاد هو مفهي قالي شكراا بس انا ماطلبت غترتي قلت له :من حلات وجهك عشاان اخدمك واجيب غترتك قال :اجل ليه جايبتهااا؟؟ قلت عشان تعلمني اشلون البسها ...؟؟؟
المهم لبست الغتره ورحت لامي قلت لها ماما يصير اصير ولد.....؟؟؟ ماشفت نفسي الا وانا ببيتنا بالرياض استغربت وش الى رجعني بيتنا في الاخير اكتشفت ان امي عطتني رفسه محترررررررمه رجعتني بيتنا
رحت لجارتنا وقلت لها ممكن لو سمحتى ترفسيني رفسه وحده ترجعني للقصيم قالت لي ليه وقلت لها ليه قالت اسفه مقدر
انا جلست ابكي كيف ارجع لهلي وبينما انا ابكي ماشفت الى اخوي في السمااء مربوط بحبل ويوم وصل للارض مسسك عمود اللمبه الى جنبي قلت له وش جابك قال امي ربطتني بحبل ورفستني عشان اجيبك قلت له ماابي مو هي رفستني ورجعتني بيتنا خلهاا تتادب مابي ارجع قال ترا جارتنا رفست ولدها وقال لنا انه انتي رحت عندها ومارضت ترفسك اخلصي على امسكيني عشاان نرجع قلت له كيف نرجع قال امسكيني وبتشوفين المهم مسكته وجلست اناظره كيف نرجع مسك طرف الحبل وجره مرتين على تحت وماشفت نفسي الى وحنا نسبح في السمااء وشفت القمر وبلوتو والزهره وعطارد والمريخ الصراحه المريخ عجييييييييييييب وقررت اني كل مازهقت بخلي امي ترفسني للمريخ رجعنا للقصيم بعد رفسه امي وماكلمتها وضليت زعلانه
عاد هي مو زي المزيون ابوي راضتني لا خلتني بطقااق فيني قضينا يومين بالمزرعه القاحله يتخللها بعض نسماات الهواء الجميله ونهيق العصاافير الجميل المهم ان حنا رجعنا بيتنا الجميييييل الى توني احس بقيمته ومافي والله احلى من النومه على سريرك الجميل
؛؛؛ مـآآيـسـتـفآآد مــن صوآآريــخي!!
1/ تنورتي لين الحين في الغساله مدري مين انتظر على بالي هي الى راح تنشف نفسها من نفسها
2/ادعولي اجيب نسبه في اختباار icdl الله ياخذه ,واخلص منه يااااااااااارب

هناك 3 تعليقات:

DR.Mo0oDeEe‘ يقول...

كله كوم ونهيقص عصفور مزرعتكم كوم هههههههههههههههههههههههههههههه

ما اقول الا الله يرجك على هالطلعات

الا تعالي مايحصل امك ترفسني لما وراء البحار ؟؟

loji يقول...

هههههههههه لا وش رايك ترفسك لمزرعتنا بس مو ازين هههههههههه

loji يقول...

هههههههههه لا وش رايك ترفسك لمزرعتنا بس مو ازين هههههههههه